Immanuel Kant

Dr Immanuel Kant (* 22. April 1724 z'Königsbärg; † 12. Februar 1804 ou z'Königsbärg) ischen dütsche Filosof gsi, und het en enorme Ifluss gha uf witeri Filosofe. Me seit, die modärni Filosofi hegi mit sim Buech Kritik vor reine Vernumft aagfange. Är isch wichtig gse für di sogenannti Erkenntnisteorie, ir Etik u ir Äschtetik. Är het ou gschribe über Religionsfilosofi, Rächtsfilosofi u Gschichtsfilosofi.

Im Buech Kritik vor reine Vernumft het är d'Metafüsik kritisiert, und dermit het är au d'Religione kritisiert.